قبيلة شمر هي قبيلة عربية تعود أصولها إلى منطقة حائل في نجد. تتواجد هذه القبيلة أيضاً في عدة دول مثل الكويت والعراق وسوريا والأردن وسلطنة عمان وقطر والإمارات، بالإضافة إلى دول أخرى ، يسعدنا أن نبدأ مقالنا هذا بتقديم مجموعة من أبيات ابيات شعر في قبيلة شمر ، ونتمنى أن تنال إعجابكم ، تابعونا.
ابيات شعر في قبيلة شمر
قال الشاعر ناصر بن حطاب الدهمشي :
ذياب (شمر) إليا امتطوا صهوة الخيل
كل ضلع ٍ يروقونه من الخوف زمّــــر
أهل القنا أهل الكرم فرّس الخيل
مثل النخل في جرهد القيـض تمَّــــر
قال تركي المورقي العتيبي :
شمـر هـل الطـولات وابليـس ملـعـون
والشـاهـد الله والعـبـي يــا حمـامـه
يـوم الكـرم فـيـه القبـايـل يـمـارون
(شمر ) هــم ملـوكـه وذروة سنـامـة
قـوم ٍ لهـم بالمجـد اساسـات وركــون
مـن خلقـت الدنـيـا لـيـوم القيـامـة
قال الشاعر مطلق النومسي :
شمر لو إني ما اعرف مسكنها
من صيتها والله لأقول : ( شمر دولــه )
قال الشاعر مبارك بن ضرباح العازمي :
( عيال الطنايا ) هل العرف والاحسـان
رجال ٍ ذكرها بالجـود والنومـاس يكفيهـا
هل الفعل الكبير اللي لهم بين القبايل شـان
رجال ٍ لا اعتزوا دايم تعزوا فـي عزاويهـا
هل الخيل الأصيله باللقا يشهد لها الميـدان
ريف الضيف واهل السيف وأصل الكرم فيها
قصيده في قبيلة شمر
أشاد العديد من الشعراء بقبيلة شمر، حيث وصفوا أهلها بالكرم والجود ، وفي هذا السياق سنقدم لكم أجمل قصيده في قبيلة شمر .
هذه القصيده للشاعربندر ابن محيا العتيبي
من لايخاوي شمر الجود غلطـان
من غير نقص في جميـع القبايـل
خويهـم والله مايبلـش بالأحـزان
اليا نخاهـم يصبـح الهـم زايـل
خويهم يحظـى بتقديـر واحسـان
مع حشمه وتقديـر للفخـر نايـل
شمر هل الطولات لاقيل فرسـان
وقت السيوف المرهفه والأصايـل
شمر طنايا يوم زيغـات الأذهـان
عدوهم شـاف النجـوم الهوايـل
شمر اليا قلنا هل السيف شجعـان
قالوا : نعم صادق اشيوخ الحمايل
شمر لهم تاريخ في ماضي الأزما
نفيه أطيب العربان تضرب مثايـل
وبوقتنا الحاضر بهم بوش بلشـان
وروا علوجـه فالعـراق الهوايـل
شمر هل النوماس في وقت الأكوان
اللـي يـردون الملايـل غلايـل
الابه اللي ذكرهـم للعـرب بـان
ياكـم ثنـوا لاصيحـن الحلايـل
شمر مقر الجود للجـود عنـوان
لايابعد حي العرب ياهـل حايـل
شمر سناعيس على الضد بركـان
يشهد لهم فعـل السنيـن الأوايـل
بنوا اشعار الجود في طي بنيـان
لو زالت الضلعان ماهـو بزايـل
شمر لمن يشكي من الضيم مزبان
لاصارت الحيلات عنـده قلايـل
والله لايرجع بعد الأحزان فرحـان
ينزاح حمله بعـد ماكـان مايـل
قول على حق ودلايـل وبرهـان
يشهد له التاريـخ والشـك زايـل
مهما كتبت بشمـر الجـود قيفـان
ماني ملحق ذكر كـل الخصايـل
ماقلت غير الحق والحق سلطـان
قلت ومعي حجـه وكـل الدلايـل
وأنا من الهيلا هلا الطيب عتبـان
زبن الدخيل وعوق مخطي وعايل
في ساعة فيها يتسـاون الأثنـان
المـوت والا نكستـي بالجمايـل
قصيده عن شمر وحايل
قصيده عن شمر وحايل ، في سياق ما تم تقديمه في الفقرات السابقة، نعرض لكم في هذه الفقرة قصيدة تتناول شمر وحائل.
و القصيدة الأشهر للشاعر / ناصر القحطاني
الشمس غابـت وكـل ٍ دوّر سراجـه
والشوق جمّر محـرّ الشـوق لاجمّـر
دام اتجاهـك شمـال مودعـك حاجـه
سلّم على حايـل وسلّـم علـى شمّـر
قدامك الخافـق اللـي ينشـد علاجـه
كنـه معلّـق علـى بـرزان ومسمّـر
وانت تعرف يا بعد حيي مـن تواجـه
بيضان الافعـال لامـن الزمـن سمّـر
ان ضاقوا أعنف من البحـر وامواجـه
وان راقو اركد من الخرمـان لا عمّـر
كم صيت بيت ٍ عتق في الباب مزلاجـه
وكم شيخ اماره قبـل تعيينـه مومـر
وكم حاتمـي ٍ تكفـيّ فلّـة احجاجـه
وش لون للضيف لو عن ساعده شمّر ؟
وان مـر تاريخهـم متلبـس ٍ تاجـه
كم عاشق ٍ كيّف وكـم حاسـد ٍ زمّـر
في جو ٍ اغلى على الرجلي الى داجـه
من ديرة السادس ومن ديـرة معمّـر
كنّه الا اهـدى لـه البـراق فجاجـه
خلت غرير ٍ ضحك ومن الخجل حمّـر
توارثـو حرثـه وتمتـيـر ديبـاجـه
ركابة الجيـب مـن ركابـة الضمّـر
الودّ لا غرس بدري صعـب مخراجـه
والله ولا الـذّ واحلـى منـه لا ثمّـر
ادخل على اللي تطوف البيت حجاجـه
من ناقص ٍ عند مـدح الغيـر يتذمّـر
والمدح لو كان في الرديـان للصاجـه
ويقال عمّر بلـد بالعـون مـا عمّـر
والذّم لـو زاد فـي الطيـب تولاجـه
لا احرق ولا اغرق ولا عمّر ولا دمّـر
ماني بمتحسب بشعـري علـى حاجـه
الا اني اروح مـا غنيـت فـي شمّـر
شعر عن شمر الطنايا
عزيزي القارئ نرحب بك مجددًا في منصتنا “إقرأ” ، إليك مجموعة من أجمل أبيات شعر عن شمر الطنايا ، تابعونا.
وقال الحربي من قصيده طويله :
(شمر) مطيّرت الشعاف الطنايا
فيهم على كل المخاليق نوف
اهل دلال ٍ مكــــرمات ملايــا
مهم جلوس وصبهم له وقوف
قال الشاعر غالي الذايدي العنزي :
من عصر حاتم لهم بالمجد عنوان
( شمر ) خيار القوم واهل العطايا
قال الشاعر شبيب بن راشد المطيري :
( شمر ) طنايا مطوعة كل عايل
عوق الخصيم اللي براسه زعانيف
على النقا وظهـــــــور قب الأصايل
ركبوا عليهن مرويّة شذرات السيف
قال الشاعر سلطان بن حمّاد السهلي :
ذولاك (الطنايا) عـــــريبين الأجــداد
فكّاكة التالـــــي نهــــار الدبيلـــه
شمـر هل الطولات مسامير الاكباد
وساع الطعون هل الحمول الثقيله