شعر عن الحب هشام الجخ

شعر عن الحب هشام الجخ

يعتبر الشاعر المعاصر هشام الجخ واحدًا من الشعراء الذين نالوا إعجاب الكثيرين من مختلف أنحاء العالم بفضل قصائده المميزة والجميلة التي تعكس تجارب الحياة الإنسانية. تتنوع أشعار هشام الجخ بين الحب والشوق، والفراق والحنين، بالإضافة إلى قصائد تتناول الفلاح والنيل والعديد من المواضيع الأخرى التي تثير الذكريات. لقد اخترنا لكم شعر عن الحب هشام الجخ ، ونتمنى أن تنال إعجابكم.

كان نفسي احبك الحب ال اخدني ووداني
ولففني بحور الدنيا ورساني
وكتبني شعر وراساني
كان نفسي احبك الحب ال يعجز عن وصفه لساني
حبيتك حب موتني واحياني
وقسي عليه فاقساني
فاوحدوا الواحد.
داحب من طرف واحد
يا أم قلب جاحد.
ملعون عنيكي الي كانت غشاني
مكتوبي من الحياه للممات
اعيش مابين الاتنين صدمات
احب مليون وحده وفي الاخر بنطلع اخوات
جدف يا مركبي تجديف
حياة الوحده للوحده شئ مخيف
مش كل الي بيضحلك بيحبك
يمكن تكون ضحكة زيف
أدى رقبتى فوق كفي وانت ال معاك السيف
فاجدف يامركبي ورجع هناك
شطك واقف بيستناك
بيرسملك حلم من تاني
ووحده تخدعك من تاني
وعيون توهمك وتقولك عشقاني
وتخدك للبحر الغريق وتسيبك.
ترجع وحدك للشط من تاني
انسيني
مش عايزك تحبيني
مابين الشط والبحر فيه مرسى
وطول مافينا الروح هنقابل ناس وتروح وناس تملانا جروح
لكننا في النهايه حننسى

“الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة”

بحبك حب صعيدي جوانى
بحبك كيف ما سكن الليل في صوت فيروز
و سكن الصوت في ليل قلبي و جوانى
بحبك حب حّيانى
و زود شوقى للحرقه وللقيا و للفرقة
وللدمعه اللى تنزل تحرق الجوابات
و كلمه ماما مش راضية
و عندي مذاكره مش فاضية
و زود شوقى للمواعيد و للعربيد
و مشتاقلك و واحشانى و محتاجلك بحبك
بحبك حب كان مكسوف يبين نفسه قدامى
و كان يطلعلي في منامى
في صورة جوز عيون صافية
و بنت جمالها كله سمار
و انا شايلك عروس الدار
و ضرب النار في كف عمامي ما مبطلش
غريب الحلم لما يواعد النعسان و ما يطولش !

مِش لَاقِي تَطْفَح ادِّيَك
هاتَوَلْنا .. و جِيَبُوَلْنا .. و إدُوْنا .. وَدَّوَنَّا
هنَجِيب مِنِيْن نِدِيْك
مِش لَاقِي تَطْفَح ادِّيَك
طَافِح يَا بَلَدِي غَدَايَا
وَلَوْعَتِي غَدايَه
و ادّي الْأَحِبَّه الْتَقَوْا
و اتَجَمَعُوا عَدَايَا
أَنَا الّلِى زَارْعَك دَهَب
بتَأْكُلَيَنّى سِبَاخ
إِن كَان دّة تُقُل وَدَلَع
بِزِيَادَة دَلِعْك بَاخ
لَا شُفْت فِيْكِى هُنَا
وَلَا شُفْت فِيْكِى تَرَف
كُل الّلِى فِيْكِى قَرَف

الْحُب يَعْنِى اتِيَن بَيَّدُوا
مُش ايِّد بِتُبَنِى وَسْتَمِيت تِيْت تِيْت يِهْدُو
الْحُب حَالَة
الْحُب مُش شِعْر وَقَوَّالِة
الْحُب يَعْنِى بَرَاح فِى قَلْب الْعَاشِقِيْن لِلْمَعْشُوقِين
يَعْنِى الغَلَابَة يْنَامُوْا فِى الْلَّيْل دَفْيَانِين
الْحُب يَعْنِى جَوَاب لِكُل الْمَسْجُوْنِيْن
هُمَا لِيَه بَقُوْا مَسْجُوْنِيْن
يَعْنِى أَعِيْش عَلَشَان هَدَف
عَلَشَان رِسَالَة
يَعْنِى احِس بِقِيمَتَّى فِيْكِى
إِنِّى مِش عَايِش عَوَّالَة
يَعْنِى لِمَا اعْرَق تُكَافِئيِى بِعَدَالَة
الْحُب حَالَة
الْحُب مُش شِعْر وَقَوَّالِة
الْحُب حَاجَة مَا تَتُوْجَدّش فِى وَسَط نَاس
بِتْجِيب غَدَاهَا مِن صَنَادِيْق الزِّبَالَة

هشام الجخ حبيبتي كاملة

يا حبيبتي وروحى دايما أنتى
أغلى ما فى الحياة انتى نور
قلبى وعنيا انتى للعالم سماه
انتى حاجه ما تتوصفش عقلى
فيها داب وتاه انتى يا ست البنات
أنتى يا أغلي الحاجات لو وصفت
الحسن كلمه انتى وصفك كراسات
انتى بدر من البدور غايب عنى من
شهور لما لمحت عينه نوره غرقت
جوا بحر من البحور انتى بالنسبه لى
شئ فريد ببقى عامل زى واحد جو
ا سجن مربطينه بالحديد نفسه يكسر
كل قيد نفسي يجى جوا حضنك يرتوى
من نبع فايض بالحنان نفسه يرسم
اللى باقى من حياته فى أمان

نفسي أنام فينك؟
يا ام الرموش عنقريب
(العنقريب سرير يصنعه اهل النوبة من الجريد)
ماتدمّعيش عينك
الفرح جاي عن قريب

إزاي بتتحمّل؟؟
أنساها .. وتجيني ..
أسقي بنات الدنيا إلاّها
ولما العطش يكويني أقاها
هي اللي تسقيني
تهديني يوم وردة
أدِّيها لفلانة
تجري على حضني احكيلها عن نانا

إزاي بتتحمّل؟
غمز البنات واوعر من غمزهم ردِّي
جاياني ملهوفة ما تلاقي غير صدِّي
أحزن في أحضانها وافرح هناك وحدي
يا ام القليب اتخلق معرفش غير يِدِّي

يا ام الفؤاد ولاّد
معرفش غير يعشق
الصبر عدّى وزاد
يا قلبها المتقاد
ما عرِفت يوم تزهق
كانت بتلبس لي اجمل فساتينها
ترمي ف صحاريا أفتن بساتينها
تِدْمع رياحينها
ولا قلبي يوم يشفق

وإزاي بتتحمل ؟؟؟
كُتر الكلام عني بحكاوي وانا غايب
الليلة كان سهران
الليلة كان سكران
الليلة كان عاشق والليلة كان دايب

يا ام الرموش طايشة وام العيون لامّة
حضبك ما حيسعنيش انا بَلْوِتي طامّة
اربع سنين يا هوا مِلْكِيّتي عامّة

كل البنات اتلبنوا بيا وتفُّوني
ورسموني خروف معلوف وسمعوا قصايد وابتسموا وصحيم بدري يوم العيد ودبحوني
بقالي ييجي اربع سنين مسمار في غيط شواكيش
دَقُّوا على راسي لكن مثبتونيش
يوم التقي مرسى وسنين ياخدني الطيش
كل الالم فيّا ومش قادر اتألم
وبتصعبي عليا ومش بقدر اتكلم
انا نفسي بس افهم
كل البلاوي ديا ازاي مابعّدوكيش
سامحيني لما اغلط
وانا تاني رايح اغلط لجلٍ تسامحيني
احلى ما في التوهان اول ما باجي اوصل واحلى ما في الاحزان انك تضميني
يا مسكناني ضلوع
جواكي راح وبراح
ما بينلهاشي رجوع
شكلي حاموت سواح
كان نفسي فيكي زمان أياميها كان لي قلب
كانت الحياة خضرا
النخلة والبقرة
والقلب طين ابيض بينام على القرآن وبيصحى وقت الحَلْب
اياميها كان لي قلب
ايه اللي قلب النور ضلمة وليل راسي؟
واشمعنى فوق راسي يحلا العذاب والقلب؟
واشمعنى سابوا الناس بقلوب خضار وعمار ؟ وف قلبي نِزْلوا سَلْب ؟
انا اول اللي اتصلب بس التاريخ كداب مفهمش معنى الصلب
ركعوا البنات ليا واتّنوا قدامي
وفي حفل اعدامي
ضحكوا وقالوا كلب

هشام الجخ متزعليش كلمات

أدخل هشام الجخ الموسيقى إلى عالم الشعر، مع إضافة إيقاع حركي على المسرح. اشتهر بأدائه الفريد وحضوره القوي، مما دفع بعض النقاد إلى انتقاده لاعتبارهم أنه يميل إلى التمثيل أكثر من كونه شاعراً. إليكم قصيدة “متزعليش” كلماتها، استمتعوا بها.

«متزعليش»
لو جم قالولِك إنُّه مش باين عليه أثر الفراقْ
وإنُّه مش بيجيب فى سيرتِك وإنُّه عادي
لا بان عليه أثر الفراق ولا فيه ألم ولا فيه اشتياقْ
حقاش قصيدة كتبها فيكي
هيّ دي اللي طلعتي بيها
أما هوّ خلاص نسيكي
عادته ولاهيشتريها؟!
وإحنا قولنالِك زمان.. مابتسمعيشْ
فماتزعليشْ
ثمّ هوّ ماكانش نقْوة!
كان بيتأخّر عليكي بالساعاتْ
وكان مفلّس
وشكله يعني ماكانش هوّ
كل أصحابِك عابوه
آهو غار في داهية!
وبكرة يركع تحت رجلِك سيد أبوه
بس يمكن كان حنيّن حبّتين
حبّتين.. همّ بس حبّتين
كان برضه بيسخّف عليكي
كنتي فين ورايحة فين؟
بس كان بيبان عليه
لما اسمك كان بيِيجي في الكلام.. تلمع عينيه
بس برضه كان ثقيلْ
ماكانش بيقدّر ظروفِك
كام مرّة قلتي مستحيل
ويصر برضه إنّه يشوفِك؟
وماتزعليش من قساوة الدنيا وعنادها العجيبْ
أنا كنت فاكر نفسي أقوى من النصيبْ
وكنت باتّريق على اللي ماكمّلوش
مين كان يقول إن النهاية تكون فاشوش؟
أنا لسه فاكر وقفتِك وسْط البناتْ
فاكر هدومِك وابتسامتِك والكلام.. حتّى السكاتْ
إذا كان فُراقنا صحّى فيكي كام وجع..
أنا كل ليلة باتدبح بالذكريات
أنا عندي ركن باحطّ فيه كل الحاجاتْ
كلّ القصايد والألم.. كل البناتْ
جيت أركنِك جواه رفض.. ماكفّاكيش
فماتزعليش
أنا بس طبعى قَعود وباكتم جوّه منّي
مش فاكرة (نانا) وجرحَهَا؟
طب بان عليَّ بعدها؟!
مش كنت باتنطط وأغنّي
والناس تشوفني تقول حجَرْ
ولا اتوجَع ولا اتكسرْ
زيّ الجبل مابينحنيش
ماتصدّقيش
أنا لمّا سبتك كل حاجة اتغيّرت
ريحة الشوارع والدكاكين القديمة والبيوتْ
كأني بابدأ من جديد رحلة حياتي.. أو باموتْ
حسيت كأني نهيت حياتي.. خنقْتَها
أنا كنت متخانق معاكي وقتها
ماكنتش أقصد أقولِّك امشي ماترجعيش
بس انتي كنتي صغيرة.. مافهمتينيش
الطبع غلاب وإنتي عارفة وكنتي لازم تعذريني
ماعرفتش أترجاكي وإنتي بتدبحيني
ربونا ع الهيبة وع الحبّ بقَيَامَة
وإنّ لّما البنت تتقل يوم عليك.. بالسّلامة!
صدقيهم لو قالولِك إنّي عصبي أو فَلاتي
وإنّي باعرف ألف واحدة وقلبي بيغيّر يوماتي
صدقيهم لو قالولك أي كدبة عن حياتي
بس إوعي تصدقيهم لو قالولك إنه كان كداب معاكي ماحبّكيش
وإن جم قالولِك إنه مش باين عليه أثر الفُراق ماتصدّقيشربونا ع الهيبة وع الحبّ بقَيَامَة
وإنّ لّما البنت تتقل يوم عليك.. بالسّلامة!
صدقيهم لو قالولِك إنّي عصبي أو فَلاتي
وإنّي باعرف ألف واحدة وقلبي بيغيّر يوماتي
صدقيهم لو قالولك أي كدبة عن حياتي
بس إوعي تصدقيهم لو قالولك إنه كان كداب معاكي ماحبّكيش
وإن جم قالولِك إنه مش باين عليه أثر الفُراق ماتصدّقيش

آخر قصائد هشام الجخ

يعتبر هشام الجخ رائداً في كتابة القصيدة المضفرة، التي تمزج بين مقاطع من الشعر الفصيح ومقاطع من الشعر العامي. كما يُعرف أيضاً بأنه مبتكر في تنظيم وتقديم الحفلات الشعرية بأسلوب مميز وجذاب. إليكم آخر قصائده.

كل اللى فات دا كان ايه؟
بالله عليكي جاوبيني!
قلبي اللى بيكِ اتعلق،،
مخطرش في باله انك
في يوم تأذيني،،
ماتردي ساكته ليه؟
جوايا مليون سؤال
محتاج منك لرد،،
اللى بنا دا كان اسمه ايه؟
اللى بنا دا مكنش بجد،،
ماتردي ساكته ليه؟
معندكيش كلام تردي به عليا،،
طب ليه تخلي فيه
من البدايه بنا ود،،
بعد الوهم اللى عشته معاكِ،،
ده ازاي هأمن علي قلبي
وأسلمه تاني لحد،،
كل اللى بنا دا كان ايه؟
ارجوكي ردي!
الجرح طعمه مرار،،
بأيديكِ تصدي،،
وتقولي دا كله كان هزار،،
وانا حقبل واعدي،،
ما انا عارفك ساعات بتكوني
مجنونه وساعات بتكوني هبله،،
بس ايه اللى في ايديكِ دي
اللى في ايديكِ دي دبله
مين دا اللى خد مكاني؟
وازاي انتي به قابله؟
مش كنتِ بتحبيني!
واخترتي حبي يكون لك قبله
ماترُدي عليا ولا خلاص! مبقاش يفيد الرد!
بعد اللى عشته معاكِ من وهم،،
مش هأمن تاني علي قلبي مع حد

كرهـتك قد ما ضحكتى على شقايا
كرهــتك قد ما امى تحب رؤيـايـا
و قد رعشة ايدى وانا بكتب
أول قصيده أكتبهالك
آخر قصيده أكتبهالك
و آخر قصه فى كتابك
و آخر كلب فى كلابك
و آخر طيف يبات الليل على بابك
دا انا اللى كسّرت السهر
و رَقَصْت ويا الليل و رَقَّصت القمر
أنا اللى فَضّيت بِكر نجمه فى السما بَكّيت نجوم
و طلقت ايدى فى صدر نسمه اتلخبطت بين الغيوم
أنا الجخ و سامعه عنى و عارفه انى كل يوم
كنت قبلك ويا واحده و يمكن ويا اتنين فى يوم
تكسرينى؟! … لا يا عينى
انتى واحده من ألوف
و ياما وانا عايش هشوف
انتى مجوعة قصايد بالمحبه بتبتدى
وهى دى
آخر قصيده أكتبهالك
و كان بودى اسمعهالك
نبرة الحزن فى كلامى مش ندم
ما أنا خدت منك كل حاجه وسبتلك حبة ألم
أنا خدت منك كل شئ
و فضلت قدامك برئ
كل ما فى الأمر إنى لسه ماشبعتش خيانه
تعرفى يا نانا الخيانه؟
مش خيانه تحبى غيرى .. يا خى حبى غيرى
همشى مع واحده تشوفيها و زى ما هغير انتى غيرى
مش خيانه
بس تبقى خيانه عظمى
يوم ما يبقى الحب كلمه
يوم ما تبقِى مالبدايه
حاطه للقصه نهايه
يا ترى لساكى فاكره؟
فاكره يوم ما رميتى قلبى بنظرتك قلبى اتجرح؟
كان فرح
أنا لسه فاكر.. كان فرح
كانت الرقاصه بتزِفّلِى حُبك
قلت احبك
يمكن الحب يداوينى
وادى ادينى
بكره اليوم اللى شفتك
بكره الشارع بكره الليل اللى ضمك
بكره القمره اللى بتفكرنى بيكى
و بكره اسمى اكمنه اسمك
بكره انى ابتسم
حتى اترسم
حتى اتدفن
بكره البحر اللى زغزغ صدرك السقعان فى حضنه
جيتى حضنى
حتى حضنى بكرهه لما اتّسعلك
بكره الشعر اللى خللانى ابقى نعلك
بكره القلب اللى سابلك صولجانه و بكرهك
واللى زانك طول سنين
جه الليلادى و شوهك
لا انتى ناعسه ولا انتى عبله ولا انتى شملوله الخجوله
اتكسر جوايه صوتك واتكسر جواكى عمر
بس عمرك هو عمرى
كان بودى أسيب فى قلبك ميت أتون من طين و جمر
بس قلبك هو شعرى
بكرهك…
ياللى ابتسامتك فرحتنى
و مرجحتنى و زحزحتنى
و كبرت…
الله اكبر
من كلامك من غرامك من عينيكى السودا ليل
قلبك المكسور بيعلن لانتصارى ميت دليل
و انتصارى مال على ودانى وهمسلى
قاللى “أوزوَلد” البرئ ما بقاش برئ
قاللى إن “سيزيف” دا زيف
و ان قولة آه بتطلع مالصعايده فين و فين
قاللى أنساكى فى مساكى
و اما اشوف قلبك عساكى تفوقى من وجع البنات
قالى بالرغم انه عارف انى حبيتك.. هجيتك
و انه شافك كاتبه اسمى بخط نونو تحت بيتك
قاللى شافك عالمرايه بتكشفى صدرك لصدرى
قاللى صبرك.. يا دى صبرى
اياك فاكرنى من حجر
اللى قاسَى فى حب نانا لو حجر…كان انفجر
كنا زى اتنين فى صحرا
ما فى ناس ما فى عيب مافى خوف ما فى بكره
كنا خيل وليل و مهره
كنا سكر و كنا فجر و كنا سهره
كنا نتواعد بكلمه و كنا نتصالح بنظره
كنا لما تسافرى أو اسافر
يصير الليل مالوش آخر
أكن عيونك النعسانه مجافيينك
و أكلم نفسى طول الليل و أقول فينك
و كان قلبى بوسع البحر..لملم موجُه فى سفينك
و نفس البحر دلوقتى لعنلك ميت سلسفينك
لا عاد موجه بيهواكى
و حتى نجومه فى سماكى
رموكى بعد ما رماكى
و كانوا فى ليلة تفينك..